اولي مبادئ الدعايا

1-لازم تبقي ملم تماما بتاريخ رساله
2-لازم تبقي عارف كل انجازاتها وانشطتها وطرق الاشتراك فيها
3-لازم تبقي عارف طرق التبرع(ماديه /عينيه)
4-تعرف يعني ايه استماره كفاله وازاي تتعمل
5-اختار الاسلوب الي تتكلم بيه حسب فئه الشخص الي بتكلمه
6-خلي هدفك الاساسي التعريف بالجمعيه مش اتبرع
7-لازم تكون هادي جدا في اي موقف محرج يقبلك
8-والاهم من كل ده ان نيتك تكون صافيه وخالصه لله

ما تعملوا اجتماع للمتطوعين وعرفوهم بكل دا

ان شاء الله هنعمل اجتماع قريب بس يا رب حد يحضر ميبقاش كلام وخلاص

الاجتماع ان شاء الله يوم الخميس24/4/2008 فى رساله المعادى الساعه 5 العصر
بس يارب تيجو وتسمعوا الكلام الي هيتقال

باذن الله هاجى بس يا ريت يبدا خمسة بالظبط

بصراحه رائع جدا

والفكره دي اتعملت في نشاط مركز الكمبيوتر في منهم مش متطوعين برساله في منهم مستفيدين عادي وبيجو ويمشو بس ميعرفوش حاجه عن رساله فقبل كل كورس جديد هيبتدي بنكلم الناس عن رساله لان كل واحد دخل من بابها لازم يعرفها كويس جدا عشان لما يقول لغيره وغيره فما بالك بنشاط الدعايا محتاج ناس اصلا تتكلم عنها ودعايا يعني لباقه وممكن تستعينو بحد من الاستقبال يديكو كل المعلومات في الاجتماع ولازم تعرفو كل انواع التبرعات الي بتستقبلها رساله ويعني ايه لما حد يقولك عاوز اعمل صدقه جاريه يبقي اختار انهي نقطه في الاستماره او لما يسالك انت ترشحله اي نوع تبرع او حجات كتير فعلا لازم تتكلمو عنها حاولو تكونو في وضع المستمع لكلامكم وشوفو انتم ممكن تسالو في ايه عشان تلمو بالاساله وربنا يكرمكم ويوفقكم

بس عاوزه اقولكم نقطه اخيره انتو مش بس بتقدمو خدمه لرساله بالعكس هي بتقدملك كتير نظير ده

ومن ضمن الي بتقدمه انها بتفتحلك باب للجنه او بتساعدك انك توصل لده

تاني حاجه انت طول مانت فيها بتتعلم حجات كتير لو في الدعايا يبقي اديك بتتدرب من دلوقتي علي المجال ده عشان لما تتخرجو من الجامعه تلاقو الجزء ده تمام عندكم (اللباقه ، حسن التصرف ، المسؤليه، القياده ) حجات كتير

ثالث حاجه انك ممكن تستفيد من انشطتها كمان الموجوده بيها

طولت عليكم بس ياريت يكون كلامي بفايده

بالعكس كلامك مهم جدا لان رايي ان اي حد يدخل مكان لازم يعرف كل حاجه عنه في البدايه سواء رساله او اي مكان تاني
وطبعا ده دورنا احنا

انا عرفت بمعاد الاجتماع بس للاسف مكانش مناسبني خالص عشان المحاضرات ياريت يكون مواعيد الاجتماع تكون ايام اجازة رسميه

شكرا علي اهتمامك وان شاء اللله نعمل اجتماع تاني اول الاجازه